Qazaqstannyń sýdıalar odaǵy Halyqaralyq sýdıalar qaýymdastyǵyna múshelikke umtylady -Joǵarǵy Cot tóraǵasy
TANA. 28 shilde. QazAqparat /Qanat Mámetqazyuly/ - Qazaqstannyń sýdıalar odaǵy Halyqaralyq sýdıalar qaýymdastyǵyna múshelikke umtylady. Bul týraly búgin QR Joǵarǵy sotynyń tóraǵasy Bektas Beknazarov jýrnalıstermen ótkizgen birinshi resmı baspasóz máslıhatynda málim etti.
«Sot júıesiniń dál qazirgi ýaqyttaǵy jetken basty bıigi - halyqtyń sotqa degen seniminiń artýy. Sondyqtan da sot júıesin odan ári jetildirýdegi basym baǵyttardyń biri jáne biregeıi -sottyń ashyqtyǵy, jarııalyǵy, halyq pen sot arasynda ekijaqty baılanysty bekemdeý bolyp qala bermek», - dep atap ótti Joǵarǵy Sot tóraǵasy jýrnalıstermen kezdesýi barysynda. Sonymen qatar Tóraǵa sot júıesindegi jetken jetistikterge toqtala kele, eń bastysy - Prezıdent N. Nazarbaev aıqyndaǵan baǵyttaǵy sharalardy odan saıyn jańǵyrtý jumystary jalǵasatynyn atap ótti. «Qazaqstan sýdıalar odaǵymen de aýqymdy jumystar atqarylyp jatyr. Osynyń ózi Qazaqstannyń sýdıalar qaýymdastyǵyna Halyqaralyq sýdıalar assotsıatsııasyna múshelikke umtylýyna zor múmkindik beredi», - dep atap ótti B. Beknazarov.
