Qazaqstannyń sýdıalar korpýsyndaǵy názik jandardyń úlesi qansha

NUR-SULTAN. QazAqparat – QR Joǵary Sot Keńesiniń múshesi Balgúl Raısova Qazaqstannyń sýdıalar korpýsyndaǵy áıelderdiń úlesi týraly aıtty, dep habarlaıdy QazAqparat tilshisi.

«Qazirgi statıstıkaǵa toqtalsaq, sýdıa qoǵamdastyǵy arasynda genderlik quramdas boıynsha Qazaqstanda sýdıalardyń 51 paıyzyn názik jandar qamtyp tur», - dedi B. Raısova onlaın rejımdegi baspasóz máslıhatynda

Onyń aıtýynsha, sýdıalardy irikteý kezinde komıssııa birinshi kezekte kásibı daǵdy men biliktilikti nazarǵa alady.

Budan buryn habarlanǵandaı, Joǵary Sot Keńesi birqatar sýdıa laýazymdaryna konkýrstyq irikteýdi aıaqtady.

Atap aıtqanda, Joǵarǵy Sottyń 2 sýdıasy, aýdandyq sottyń 1 tóraǵasy, oblystyq sottyń 1 sýdıasy, aýdandyq sottardyń 40 sýdıasy laýazymdaryna jarııalanǵan konkýrs qorytyndylandy.

Qujat tapsyrǵandar sanyna toqtalsaq, Joǵarǵy Sot sýdıasy laýazymyna 17 adam, aýdandyq sottardyń sýdıasy laýazymyna 274 adam, Almaty qalalyq sotynyń sýdıasy laýazymyna 49 adam qatysty. Jalpy, konkýrsta 342 adam qamtyldy.