Qazaqstannyń sý qoımalarynda balyq qory kúrt azaıyp barady
ASTANA. QazAqparat Qazaqstannyń barlyq sý qoımalaryndaǵy balyq qory kúrt azaıyp barady. Bul týraly búgin «Tabıǵat» ekologııalyq odaǵynyń basshysy Mels Eleýsizov málim etti, dep habarlaıdy QazAqparat.
«Men biletin barlyq sý qoımalarynda Zaısanda da, Balqashta da, Alakólde de, Kaspııde de balyqtyń barlyq túrleriniń qory kúrt azaıyp barady. Bul tragedııa. Shuǵyl arada sharalar qabyldaý qajet. Árıne, onyń túrli sebepteri bar. Negizgisi brakonerlik. Al Kaspııde keshendi problemalar bar. Máselen, Keńes odaǵynan qalǵan uńǵymalardyń qanshalyqty jabyq ekendigin bilmeımin. Eger olar jabyq bolmasa, munaı tógilip, Kaspıı úshin óte zor qaýip tóndiredi», - dedi ol.
Sonymen qatar ekologııalyq odaq basshysy elimzide brakonerliktiń óte joǵary bolyp otyrǵandyǵyna qynjylys tanytty.
«Brakonerik kúshti damyp ketken. Ol brakonerlerge zań júrmeıdi. Ózim baryp, olardyń kez kelgen jazadan qalaı jeńil sytylyp ketetindigin jáne odan keıin Kaspııdi tonaýyn jalǵastyratyndyǵyn kórdim», - dedi Eleýsizov.
Aıta keteıik, Májilistiń Agrarlyq máseleler komıtetinde elimizdegi balyq sharýashylyǵynyń jaǵdaıy jáne damý máseleleri talqylandy. Otyrysta QR Aýyl sharýashylyǵy vıtse-mınıstri Erlan Nysanbaev taıaý aralyqta balyq sharýashylyǵyn damytý Úkimet otyrysynda qaralatyndyǵyn málimdedi.
