Qazaqstannyń sý ınspektorlary «jasyl» tehnologııalardyń transferti boıynsha bilim alýda
ASTANA. 21 qarasha. QazAqparat - «Jasyl akademııa» ǵylymı-bilim berý ortalyǵy Qazaqstannyń sý ınspektorlaryna arnap «jasyl» tehnologııalardyń engizilýi, olardyń transferti jaıynda oqytý semınarlaryn ótkizýde.
Semınarǵa barlyq oblystardan QR Qorshaǵan ortany qorǵaý jáne sý resýrstary mınıstrligi Sý resýrstary komıteti vedomstvolyq kásiporyndarynyń basshylary qatysýda.
«Sharaǵa jobanyń negizgi seriktesi retinde QR-daǵy Latvııa Elshiligi atsalysýda. Biz tájirıbe almasý maqsatynda sý salasynda jasyl tehnologııalardy engizýmen aınalysatyn latvııalyq kompanııalardyń basshylaryn jáne mamandaryn shaqyrdyq. Sondaı-aq, semınar barysynda sý resýrstaryn basqarý baǵdarlamasyn jasaqtaýdyń negizgi máselelerin talqylap, sý resýrstary salasyndaǵy baǵdarlamalardyń oryndalý barysyna monıtorıng júrgizemiz», - dedi «Jasyl akademııa» ortalyǵynyń basshysy Baqyt Esekına.
Sonymen qatar semınar aıasynda reseılik sarapshylardyń qatysýymen dóńgelek ústel uıymdastyrý kózdelip otyr. Onda Qazaqstannyń «Jasyl ekonomıkaǵa» ótý tujyrymdamasy sheńberinde «jasyl» tehnologııalardyń engizilýi sóz bolmaq.
