Qazaqstannyń sý aıdyndaryn aýlardan tazartý aktsııasy ótedi

NUR-SULTAN. QazAqparat – Ekologııa, geologııa jáne tabıǵı resýrstar mınıstrligi Qazaqstannyń 72 sý aıdyny men ýchaskesinde ekologııalyq aktsııa ótkizedi, dep habarlaıdy QazAqparat tilshisi.

«Qurmetti Nur-Sultan qalasynyń turǵyndary! Qazaqstan Respýblıkasy Ekologııa, geologııa jáne tabıǵı resýrstar mınıstrliginiń bastamasymen 2019 jylǵy 17 tamyzda Qazaqstannyń 72 sý aıdyny men ýchaskesinde «Aýlardan taza - sý aıdyndary» atty ekologııalyq aktsııa ótedi. Aktsııanyń maqsaty – sý aıdyndardy tastap ketken jáne zańsyz qoıylǵan aýlardan tazalaý. Sharaǵa oblystyq orman sharýashylyǵy jáne janýarlar dúnıesi aýmaqtyq ınspektsııa mamandary, jergilikti memlekettik organdar, balyq sharýashylyǵy sýbektileri, orman sharýashylyqtary, ekologııalyq uıymdar, belsendiler men eriktiler qatysady», - dep habarlady atalǵash mınıstrlikke qarasty Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet.

Aktsııanyń ótetin orny: Aqmola oblysy, Tselınograd aýdany, Qosshy aýyldyq okrýgi, Taıtóbe poselkesi (Nura ózeni), Nura demalys ornynyń mańy. Shara saǵat 09:00-de bastalady.