Qazaqstannyń strategııalyq zertteýler ınstıtýty jańa jobany bastady
ASTANA. QazAqparat - QR Prezıdenti janyndaǵy Qazaqstannyń Strategııalyq zertteýler ınstıtýty men «Qoǵamdyq pikir» zertteý ınstıtýty jańa jobany iske qosty. Bul týraly Instagram áleýmettik jelisindegi jeke paraqshasynda ınstıtýt dırektory Erlan Qarın habarlady.
«Sarapshymen kezdesý» dep atalatyn jańa jobada shetel jáne otandyq sarapshylarmen túrli mańyzdy taqyryptar boıynsha kezdesýler uıymdastyrylady.
Jobanyń alǵashqy qonaǵy Ispanııanyń Barselona qalasyndaǵy Halyqaralyq qatynastar ortalyǵynyń ǵylymı qyzmetkeri, doktor Nıkolas de Pedro. Jıynnyń taqyryby: «Ýkraınadaǵy daǵdarys: EO sarapshy kózqarasy». Kezdesý 19 qarashada ótedi.
