Qazaqstannyń sporttaǵy jetistikteri endi Sochı Olımpıdasynda da joǵary nátıjelerdi kórsetýge mindetteıdi - Talǵat Ermegııaev
ASTANA. 11 jeltoqsan. QazAqparat - Búgin QR Sport jáne dene shynyqtyrý isteri agenttiginiń tóraǵasy Talǵat Ermegııaevtiń tóraǵalyǵymen 2014 jyly Sochıde ótetin XXII qysqy Olımpıada oıydaryna daıyndyq boıynsha jedel shtabtyń otyrysy ótti.
Atalǵan agenttiktiń baspasóz qyzmetiniń málimetinshe, shtab jıynyna Ulttyq olımpıadalyq komıtettiń prezıdenti Temirhan Dosmuhambetov, sondaı-aq óńirlik týrızm, dene shynyqtyrý jáne sport basqarmalarynyń basshylary, qysqy sport túrlerinen federatsııalardyń jetekshileri, memlekettik jáne bas bapkerler qatysty.
Agenttik tóraǵasy Talǵat Ermegııaev óz sózinde 2011 jyldaǵy VII qysqy Azııa oıyndarynda, sondaı-aq Londondaǵy bıylǵy jazǵy Olımpıadada qazaqstandyq sportshylardyń joǵary jetistikteri endi aldaǵy Sochı dodasynda da joǵary sporttyq nátıjelerdi kórsetýge mindetteıtinin tilge tıek etti.
«Joǵary sporttyq nátıjege qol jetkizý - bul eldiń mártebesiniń máselesi. Sporttyq jetistikter árqashan da memlekettiń damý deńgeıi kórsetkishteriniń biri bolatyn. Sondyqtan da Táýelsizdik jyldarynda Olımpıada oıyndaryndaǵy Qazaqstannyń jetistikteri osyǵan dálel»,-dep túıdi agenttik basshysy.
