Qazaqstannyń sportshylary, saıasatkerleri men estrada juldyzdary ekstremaldy oıyndarǵa qatysady
ASTANA. 1 aqpan. QazAqparat - Qazaqstannyń sportshylary, saıasatkerleri jáne estrada juldyzdary «Fobııa» jańa realıtı-shoýyna qatysyp, jan túrshiktirer, ekstremaldy tapsyrmalardy oryndaıdy.
Oıyndar 1 aqpannan bastap «El Arna» telearnasynan kórsetile bastaıdy.
«Fobııa» jańa jobasynda qatysýshylar úshin taraqan, tyshqan, jylan qosylǵan dámtatymdar men kóptegen tosyn syılar daıyndalýda. Joba jeńimpazy shetelge joldama alady.
Otyz qatysýshyny, solardyń ishinde ánshi Merýert Túsipbaeva, akter jáne telejúrgizýshi Dasten Shakırov, tanymal ánshi Іnjý, «Melomen» tobynyń ánshisi Jiger Aýypbaevtardy qaýipke toly ári jıirkenishti synaqtar kútip tur. Synnan óte almaǵan jaǵdaıda qatysýshy oıynnan shyǵady, al qalǵan oıynshylar kelesi odan da úreıli, qaterli jańa aınalymda synalady.
«Shoý urany - «árkim ózi úshin», qatysýshy ózinen basqa eshkimge arqa súeı almaıdy. Qatysýǵa kelisimderin bergen tusta shoý-bıznes, saıasat jáne sport juldyzdary aldarynda qandaı syndar daıyndalyp jatqandyǵanan beıhabar boldy. «Fobııa» - eshkimdi beı-jaı qaldyrmaıtyn 100% adrenalınge toly! Shoý «El Arna» telearnasynan ár juma saıyn saǵat 21.40-ta kórsetiletin bolady. Qaıtalaý - senbi saǵat 19.00-de», - delingen taratylǵan baspasóz habarlamasynda.
