Qazaqstannyń sport jýrnalısteri jyldyń úzdik hokkeıshisin anyqtady
NUR-SULTAN. QazAqparat – Sport jýrnalısteri ótken maýsymnyń qorytyndysy boıynsha Qazaqstannyń úzdik hokkeıshisin anyqtady, dep habarlaıdy QazAqparat QR Sport baspasózi federatsııasyna silteme jasap.
Táýelsizdik alǵannan keıin eldiń úzdik hokkeıshisin anyqtaýmen dırektorat aınalysyp keldi. Onyń basshysy tanymal hokkeı reporteri, «Qazaqstan hokkeıi» tuńǵysh jýrnalynyń negizin qalaǵan Maksım Kartashev boldy. Ókinishke qaraı, M.Kartashev ótken jyldyń jeltoqsan aıynda 50 jasqa qaraǵan shaǵynda dúnıeden ótti.
Bul joly jyldyń úzdik hokkeıshisin anyqtaýdy Qazaqstannyń Sport baspasózi federatsııasynyń basshysy Іlııas Omarov óz moınyna aldy.
Osymen 31-ret ótken saýalnamaǵa 32 otandyq jýrnalıst qatysty. Olardyń árqaısysyna ótken maýsymdaǵy eń myqty úsh oıynshyny anyqtaý usynyldy.
Saýalnama qorytyndysy boıynsha 2021-2022 jylǵy maýsymda Qazaqstannyń úzdik hokkeıshisi bolyp Nıkıta Mıhaılıs (62 upaı) atandy. Ekinshi oryndy Valerıı Orehov (32 upaı), úshinshi oryndy Roman Starchenko (19 upaı) ıelendi.
Nıkıta Mıhaılıs – elordalyq «Barys» hokkeıshisi. Ol ótken maýsymda QHL úzdik surmergeni atanǵan.
Foto: QR Sport baspasózi federatsııasy
