Qazaqstannyń sport jáne shoý-bıznes juldyzdary Otanǵa degen súıispenshilikterin bildirdi
Esterińizge sala ketsek, áleýmettik jelide «Men Qazaqstandy ne úshin jaqsy kóremin?» dep atalatyn patrıottyq aktsııa keń tanymaldyqqa ıe bolǵan edi. Sońǵy 2 apta ishinde qazaqstandyqtar óz Otanyna degen súıispenshiligin bildirgen birqatar qyzyqty beınerolıkterdi jarııa etti.
Al búgin telestýdııa atalǵan beınematerıaldardyń avtorlaryn shaqyrdy. Olardyń qatarynda shoý-bıznes jáne sport juldyzdary da boldy. Stýdııaǵa telekópir arqyly elimizdiń barlyq óńirleri qosyldy.
«Qazaqstan - tabysqa baǵyt alǵan patrıottar eli, bizdiń árqaısymyzǵa ózimizdiń áleýetimizdi júzege asyrýǵa múmkindik beretin el. Qazaqstan sportshylarynyń jetistigin búkil álem biledi. Olar: Jaqsylyq Úshkempirov, Dáýlet Turlyhanov, Gennadıı Golovkın jáne tórtinshi ret álemniń úzdik ziltemirshisi atanǵan - Ilıa Ilın. Men Qazaqsandy jasqy kóremin. Óıtkeni, ol jeńimpazdar eli!», - dedi grek-rım kúresinen álemniń eki dúrkin chempıony, Olımpıada oıyndarynyń chempıony ıÝrıı Melnıchenko.
Jeńil atletıkadan olımpıada chempıony Olga Rypakova da qazaq elin jaqsy kóretindigin basa aıtty. «Qazirgi ýaqytta bizder tamasha jeńil atletıka ortalyǵynda turmyz. Munda kún saıyn shamamen 500 bala sportpen aınalysady. Men olardan Qazaqstanymyzdyń aıbynyn asyratyn tek qana chempıondar shyǵatyndyǵyna jáne óz elderiniń naǵyz patrıottary bolatyndyǵyna», - senemin dedi telestýdııaǵa tikeleı kópir arqyly qosylǵan O.Rypakova.
«Men Shenenstanda dúnıege keldim. Qazaqstanǵa kishkentaı kezimde qonys aýdarǵan edim. Osy jerde men tulǵa retinde, ártis retinde qalyptastym. Men bar kúsh-jigerimdi óz Otanymnyń ıgiligine jumsaýǵa ýáde beremin. Men seni jaqsy kóremin, Qazaqstanym!», - dedi Qazaqstan halqy Assambleıasy jastar qanatynyń múshesi Islam Mýzaev.
