Qazaqstannyń sport qoǵamdastyǵy Danııar Óteshevtiń qaza bolýyna oraı onyń týǵan-týysqandaryna kóńil aıtty
ASTANA. 29 sáýir. QazAqparat - Qazaqstannyń sport qoǵamdastyǵy aýyr atletıkadan Qazaqstannyń ulttyq quramasynyń jattyqtyrýshysy Danııar Óteshevtiń qaza bolýyna oraı onyń týǵandary men jaqyndaryna qaıǵylaryna ortaqtastyǵyn bildirip, kóńil aıtady.
«Sport jáne dene shynyqtyrý isteri agenttigi, Ulttyq shtattyq komandalar jáne sporttyq rezerv dırektsııasy jáne eldiń barsha sport qoǵamdastyǵy aýyr jáne orny tolmas qaza - aýyr atletıkadan Almaty qalasynyń aǵa bapkeri, Qazaqstannyń ulttyq quramasynyń jattyqtyrýshysy Óteshev Danııar Ámirulynyń 46 jasynda mezgilsiz ómirden ozýyna baılanysty onyń týǵandary men jaqyndaryna qaıǵyryp kóńil aıtady», - delingen QR Sport jáne dene shynyqtyrý isteri agenttigi taratqan habarlamada.
