Qazaqstannyń soltústik jáne shyǵys aýdandary oqýshylarynyń kóktemgi demalystary bolady - Bilim mınıstri
ASTANA. Qańtardyń 26-sy. QazAqparat /Gúlnár Jandaǵulova/ - Qazaqstannyń soltústik jáne shyǵys aýdandary oqýshylarynyń kóktemgi demalystary saqtalady.
Bul týraly jýrnalısterge bergen suhbatynda Bilim jáne ǵylym mınıstri Janseıit Túımebaev málim etti.
«Árıne, qosymsha sabaqtar bolady. Bolmaǵan sabaqtardyń barlyǵy (aýa raıyna baılanysty - agenttiktiń túsindirmesi) bolady. Kóktemgi demalys ta bolady», dep sendirdi mınıstr.
Sońǵy aptalarda respýblıkanyń soltústigi men shyǵysynda qatty aıazǵa baılanysty mektepterde sabaqtar toqtatyldy. Mysaly, qańtardyń 21-i túnde Shyǵys Qazaqstanda termometr baǵamy - 42 gradýsqa deıin, Zyrıan jáne Kókpekti aýdandarynda - 45 gradýsqa deıin tómendedi, dep habarlady tótenshe jaǵdaılar vedomstvosynan.
