Qazaqstannyń soltústik, shyǵys, batys jáne ortalyq aımaqtarynda burqasyn, al ońtústiginde tuman jáne kóktaıǵaq bolady dep kútilýde
ASTANA. Aqpannyń 5-i. QazAqparat - «Qazgıdromettiń» boljaýynsha, búgin, aqpannyń 5-i kúni Qazaqstannyń shyǵys jáne ońtústik-shyǵys aımaqtary atmosferalyq aǵym bólikteriniń yqpalynda bolady.
Al resýblıkanyń qalǵan aýmaqtarynyń aýa raıyn antıtsıklon taramdary anyqtaıdy.
Máselen, Shyǵys Qazaqstan jáne Almaty oblystarynyń keı jerlerinde burqasyndatyp, 15-22 m/s jyldamdyqta jel turady dep kútilýde.
Mańǵystaý oblysynda - keı jerlerde burqasyn, kóktaıǵaq, jeldiń ekpini 17-22 m/s bolady.
Qyzylorda, Jambyl, Atyraý, Batys Qazaqstan, Aqtóbe, Qostanaı jáne Qaraǵandy oblystarynda burqasyn saqtalady, sekýndyna 15-20 metr jyldamdyqpen jel soǵady.
Al Ońtústik Qazaqstan oblysynda keı aýmaqtarda tuman, kóktaıǵaq bolady, jeldiń kúshi 15-20 m/s.
