Qazaqstannyń soltústik óńirlerine Reseıden qaýip tónýi múmkin emes – Muhtar Tileýberdi

NUR-SULTAN. QazAqparat – Qazaqstannyń soltústik óńirlerine Reseıden qaýip tónýi múmkin emes. Bul jaıynda QR Premer-Mınıstriniń orynbasary – Syrtqy ister mınıstri Muhtar Tileýberdi aıtty, dep habarlaıdy QazAqparat tilshisi.

«Reseı men Qazaqstan arasynda qajetti quqyqtyq baza bar. Shekaramyz delımıtatsııadan ótti. Qazir demarkatsııa protsesi júrip jatyr. Demarkatsııa protsesi 2-3 jyldyń ishinde jasalady», - dep jaýap berdi Muhtar Tileýberdi tilshiler saýalyna.

Sonymen qatar ol Memleket basshysy Qasym-Jomart Toqaevtyń Máskeýge jumys sapary barysynda Reseı tarapynan Qazaqstanǵa jerge qatysty eshqandaı talap bolmaıtyndyǵy eń joǵary deńgeıde rastalǵanyn atap ótti.