Qazaqstannyń soltústik óńirlerinde seısenbi kúni qar jaýyp, burqasyndatady
ASTANA. QazAqparat - Atmosferalyq aǵymdardyń ótýine baılanysty seısenbi kúni eldiń soltústigi men soltústik batysynda qar jaýady. Keı jerlerge tuman túsip, kaktaıǵaq bolyp jel kúsheıedi. Ońtústikte qumdy daýyl turady, dep habarlaıdy «Qazgıdromet» RMK.
Aqmola, Aqtóbe, Qaraǵandy, Qostanaı, Soltústik Qazaqstan oblystarynyń birqatar aımaqtarynda tuman túsip, kóktaıǵaq bolyp, jeldiń kúshi sekýndyna 15-20 metrge deıin jetedi. Qostanaı, Soltústik Qazaqstan, oblystarynda burqasyn bolady. Qyzylorda, Mańǵystaý, Atyraý, Pavlodar oblystarynyń birqatar aımaqtarynda tuman túsip, jeldiń kúshi sekýndyna 15-20 metrge deıin arta túsedi, Qyzylorda oblysynda qumdy daýyl bolady.
Shyǵys Qazaqstan oblysynyń birqatar aımaqtarynda kóktaıǵaq bolyp, túnde jáne tań ata tuman túsedi. Batys Qazaqstan oblysynda jeldiń ekpini sekýndyna 15-20 metrge deıin kúsheıip, Jambyl, Ońtústik Qazaqstan, túnde Almaty oblysynda tuman túsedi.
