Qazaqstannyń soltústik óńirlerinde kún sýytady
ASTANA. QazAqparat - «Qazgıdromet» RMK 29-31 naýryzǵa arnalǵan aýa raıy boljamyn jarııalady, dep habarlaıdy QazAqparat.
Sınoptıkterdiń aıtýynsha, tsıklondar men antıtsıklondar Qazaqstan aýmaǵy arqyly jyldam ótýine baılanysty respýblıkada qubylmaly aýa raıy saqtalady, jıi jańbyr men qar jaýady.
Aldaǵy úsh kúnde Qazaqstan aýmaǵynyń basym bóliginde kún jaýyn-shashyndy bolyp, elimizdiń ońtústik jartysynda jańbyr jaýyp, naızaǵaı oınaıdy, soltústik bóliginde qar aralas jańbyr jaýyp, tuman túsedi, kóktaıǵaq bolady. Qazaqstannyń kóptegen óńirinde aýa temperatýrasy klımattyq normadan joǵary kúıinde qalady, tek soltústik aýdandarda normadan 2-3 gradýs tómen bolady.
