Qazaqstannyń soltústik bóliginde taıaýdaǵy úsh kún jaýyn-shashyndy bolady
ASTANA. QazAqparat - «Qazgıdromet» RMK 28-30 maýsymǵa arnalǵan aýa raıy boljamyn taratty.
Sınoptıkterdiń aıtýynsha, Batys Sibirge tereń jáne belsendi tsıklon ornalasqan. Soǵan baılanysty atmosferalyq aǵyndar Qazaqstannyń soltústik, ortalyq, shyǵys oblystaryna yqpal etetin bolady. Jaýyn-shashyndy bolyp, naızaǵaı oınap, jer-jerde jel kúsheıip, burshaq túsedi, temperatýra qalyptaǵy normadan 2-4ºS-qa tómendeıdi dep kútilýde. Ońtústik jáne ońtústik-shyǵys oblystarda joǵary atmosferalyq qysym yqpalymen aýa raıy ystyq, jaýyn-shashynsyz bolady dep boljanady.
