Qazaqstannyń soltústik bóliginde kún sýytady - 26 mamyrǵa arnalǵan aýa raıy boljamy
ASTANA. 25 mamyr. QazAqparat - Qazaqstannyń kóptegen bóliginde atmosferalyq frontaldyq bólikterdiń ótýimen 26 mamyr kúni keıbir jerlerde naızaǵaı jańbyr jaýyp, ekpindi jel soǵady. Shyǵys bóliginde burshaq jaýýy múmkin.
Soltústik bóliginde túnde keıbir jerlerde qatqaq bolady dep kútilýde, dep habarlaıdy Qazgıdrometke silteme jasaǵan TJM-niń baspasóz qyzmetinen.
Jambyl, Ońtústik Qazaqstan, Qyzylorda, Mańǵystaý, Atyraý, Aqtóbe, Shyǵys Qazaqstan, túnde Batys Qazaqstan, kúndiz Almaty, Qostanaı oblystarynda keıbir jerlerde 15-20 m/s jyldamdyqpen jel soǵyp, Qyzylorda oblysynda shańdy daýyl bolady dep kútilip otyr.
Aqmola, Qostanaı, Soltústik Qazaqstan, Pavlodar, Qaraǵandy oblystarynda keıbir jerlerde túnde aýanyń temperatýrasy 0-2 gradýsqa deıin tómendeıdi, Soltústik Qazaqstan oblysynda tuman túsedi.
Qyzylorda, Ońtústik Qazaqstan oblystarynda, Atyraý, Aqtóbe oblystarynyń keıbir jerlerinde órttiń tótenshe joǵary qaýiptiligi saqtalýda.
Jaqyn úsh táýlikte Qazaqstannyń ońtústik jáne ońtústik-shyǵysyndaǵy jekelegen taýly ózenderinde jáne Batys Altaıdaǵy (ShQO) kóptegen ózenderde jańbyrǵa baılanysty sý deńgeıiniń kóterilýi kútiledi.
Buryn habarlanǵandaı, 25-26 mamyr túnderinde Aqmola, Qostanaı oblystarynda aýa temperatýrasynyń 2-7 gradýsqa deıin tómendeýi kútiledi, keıbir jerlerde 10 gradýs jylylyqty kórsetedi.
25-27 mamyr kúnderi Pavlodar oblysynda aýanyń temperatýrasy 2-7 gradýsqa deıin tómendeıdi, 26-27 mamyr kúnderi 0-2 gradýsqa deıin salqyndaıdy.
27 mamyr túninde Shyǵys Qazaqstan oblysynda aýanyń temperatýrasy 3-8 gradýs jylylyqty kórsetedi, keıbir jerlerde 0-2 gradýs sýyq bolady.
