Qazaqstannyń soltústik-batysy men ońtústiginde jaýyn-shashyn bolyp, jel kúsheıedi - 15 qazanǵa arnalǵan aýa raıy boljamy
ASTANA. 14 qazan. QazAqparat - 15 qazan kúni atmosferalyq aǵyndardyń ótýine baılanysty respýblıkamyzdyń soltústik-batysy men ońtústik aýmaǵynda jaýyn jaýyp, jel kúsheıedi.
Qazaqstannyń qalǵan aýmaǵy joǵary qysymnyń yqpalynda bolyp, jaýyn-shashynsyz kún raıy kútilýde, dep habarlaıdy Qazgıdrometke silteme jasaı otyryp, QR TJM baspasóz qyzmeti.
Aqtóbe, Shyǵys Qazaqstan oblystarynda, kúndiz Soltústik Qazaqstan, Qaraǵandy, Jambyl, Ońtústik Qazaqstan, Qyzylorda oblystarynyń keıbir jerlerinde sekýndyna 15-20 metr jyldamdyqtaǵy jel soǵady.
Almaty oblysy Jalańashkól aýdanynda ońtústik-batystan soqqan jeldiń kúshi sekýndyna 18-23 metr, keıde 28 metr jyldamdyqqa jetedi.
Túnde Qaraǵandy oblysynyń keı jerlerine tuman túsedi.
Túnde Shyǵys Qazaqstan, Aqmola, Qaraǵandy oblystarynyń keı jerlerinde aýa temperatýrasy 0-3 gradýsqa deıin sýytady.
