Qazaqstannyń soltústik aýdandarynda kún sýytady
ANA. 16 mamyr. QazAqparat - Qazaqstan aýmaǵynyń basym bóliginde aýa raıyna atmosferalyq aǵyndar yqpal etip, keıbir jerlerde jańbyr jaýyp, kún kúrkireıdi, kúshti jel soǵady, soltústik aýmaqta túnde keıbir jerlerde kún sýytady, dep habarlaıdy «Qazgıdromet» RMK.
Qyzylorda oblysynda, túnde Ońtústik Qazaqstan oblysynyń keı jerlerinde shań borap, kúshti jel soǵady.
Mańǵystaý, Atyraý, Aqtóbe, Pavlodar, Qaraǵandy, Shyǵys Qazaqstan oblystarynda ekpini sekýndyna 15-22 metrge jetetin jel soǵady dep kútilýde.
Soltústik Qazaqstan oblysynyń keı jelerinde tuman túsip, túnde 3 gradýsqa deıin sýytady, kúndiz jel qýaty sekýndyna 15-20 metrge jetedi.
Aqmola, Qostanaı oblystarynda túnde - 2 gradýsqa deıin sýytady.
Taıaý táýlikte qatty jańbyr jaýýyna baılanysty Almaty, Ońtústik Qazaqstan, Jambyl oblystarynyń taý ózenderinde sý tasýy kútilýde. Al Shyǵys Qazaqstan oblysynyń Batys Altaı ózenderiniń keıbirinde sý deńgeıiniń kóterilýi baıqalady. Qazaqstannyń basqa sý nysandarynda aıtarlyqtaı ózgerister baıqalmaıdy.
