Qazaqstannyń soltústigine boran jaqyndap qaldy
ASTANA. QazAqparat - Qazaqstan aýmaǵyna Reseıdiń eýropalyq bóliginiń ortalyq aýdandarynan atmosferalyq aǵyndar keledi, dep habarlaıdy «Qazgıdromet».
Sonyń saldarynan 2017 jylǵy 14-16 qarasha kúnderi jer-jerlerde jaýyn-shashyn, qar jaýyp, tuman túsedi, kóktaıǵaq bolady, kúshti jel turyp, soltústik oblystardyń keı jerlerinde boran soǵady.
Óıtkeni troposferalyq aýa aǵyndary negizinen batys baǵyttaryna ıe bolady, aýa temperatýrasynyń kúrt ózgerýi baıqalmaıdy, ár jyldyń osy kezeńine qaraǵanda ol 2-5 gradýs joǵary bolady. 14 qarashada Qostanaı oblysynyń keı jerlerine tuman túsedi.
14-16 qarasha kúnderi Qyzylorda oblysynyń keı jerlerine tuman bolady.
