Qazaqstannyń soltústiginde túngi qatqaq taǵy eki táýlik boıy saqtalady
ASTANA. QazAqparat - «Qazgıdromet» RMK 2016 jyldyń 2-4 maýsym kúnderine aýa raıy boljamyn habarlady.
Sınoptıkterdiń atap ótýinshe, Qazaqstannyń soltústik oblystaryna aýysqan antıtsıklon túngi aýa temperatýrasynyń tómendeýine alyp keldi. Aldaǵy eki táýlikte onyń áseri saqtalyp, túngi qatqaq ta saqtalady.
«Qazaqstannyń qalǵan aýmaǵy atmosferalyq aǵyndardyń áserinde bolady, sonymen birge keı jerlerde naızaǵaıly ótkinshi jańbyrlar men ekpindi jel kútilip otyr, jekelegen aýdandarda burshaq túsýi yqtımal. Aýanyń temperatýrasy ortasha kópjyldyq mánderi tóńireginde, soltústik oblystarda - olardan tómen bolady dep shamalanýda», - delingen habarlamada.
