Qazaqstannyń soltústiginde salqyn aýa raıy birneshe kúnge sozylmaq - Qazgıdromet
ASTANA. QazAqparat - 24-26 shilde aralyǵynda Qazaqstannyń soltústiginde burynǵysha salqyn, jaýyndy-shashyndy aýa raıy saqtalady, dep habarlady Qazgıdromet.
Sınoptıkterdiń derekterine súıensek, elimizdiń bul aımaǵynda kún kúrkirep, kúndizgi temperatýra +15...+23º-tan aspaıdy, bul atalmysh maýsymdaǵy qalypty jaǵdaıdan 3-8º-qa tómen.
Qazaqstannyń shyǵysy men batysynda qurǵaq jáne ystyq aýa raıy saqtalady. Kúndiz bul óńirlerde aýa temperatýrasy +30...+38º-qa deıin kóteriledi.
Beısenbi, 24 shildede Aqmola, Qostanaı, Soltústik Qazaqstan, Pavlodar, Qaraǵandy, Shyǵys Qazaqstan, kúndiz Batys Qazaqstan, Aqtóbe oblystarynda jeldiń kúshi 15-25 m/s-qa jetedi.
