Qazaqstannyń soltústiginde kún sýytady - 19 tamyzǵa arnalǵan aýa raıy boljamy
TANA. 18 tamyz. QazAqparat - Qazaqstannyń basym bóligine tsıklon áser etedi, jańbyr jaýyp, kún kúrkirep, jeldiń kúshi arta túsedi, respýblıkanyń soltústiginde aýa temperatýrasy tómendeıdi, dep habarlady «Qazgıdromet» RMK baspasóz qyzmeti 19 tamyzǵa arnalǵan aýa raıy boljamynda.
Aqtóbe, Qostanaı, Aqmola, Pavlodar, Qaraǵandyda, túnde Mańǵystaý, Atyraý oblystarynda keı jerlerde 15-23 m/s jyldamdyqqa deıingi kúshti jel turady.
Shyǵys Qazaqstan, Qyzylorda oblystarynda, kúndiz Ońtústik Qazaqstan, Jambyl, Almaty oblystarynda 15-20 m/s kúshpen jel soǵady. Daýyl turýy yqtımal.
Soltústik Qazaqstan oblysynda túnde keı aýmaqtarda - tuman túsedi.
Al Almaty, Jambyl, Shyǵys Qazaqstan oblystarynda qatty ystyq bolady.
Sondaı-aq sınoptıkterdiń boljaýynsha, búgin eldiń ońtústiginde, Aqtóbe, Almaty oblystarynyń basym óńirinde, sonymen birge Atyraý, Qaraǵandy oblystarynyń jekelegen aýmaqtarynda órt qaýpi óte joǵary bolady.
