Qazaqstannyń soltústiginde kún kúrkirep, jaýyn jaýady
ASTANA. QazAqparat - Jeksenbi kúni, 3 tamyzda Qazaqstannyń basym bóliginde kún ashyq bolady, respýblıkanyń soltústiginde, soltústik-batysynda ǵana atmosferalyq aǵyndardyń ótýimen aýa raıynyń turaqsyz sıpaty saqtalady, keı jerlerde kún kúrkirep, jańbyr jaýady, dep habarlady QR TJM baspasóz qyzmeti.
Qazaqstannyń keı jerlerinde jel kúsheıedi, ońtústikte shańdy daýyl turady, soltústiginde - tuman túsedi.
Ońtústik Qazaqstan, túnde Jambyl oblystarynda keı jerlerde jeldiń ekpini 15-20 m/s-qa jetedi. Qyzylorda oblysynda kúndiz keı jerlerde jel 15-20 m/s-qa deıin kúsheıip, shańdy daýyl kóteriledi. Aqtóbe oblysynda keı jerlerde kún kúrkireıdi, jel 15-20 m/s-qa deıin kúsheıedi. Aqmola, Qostanaı oblystarynda keı jerlerde kún kúrkireıdi. Soltústik Qazaqstan, túnde Pavlodar oblystarynda keı jerlerde tuman túsýi kútiledi.
Kúndiz Mańǵystaý, Aqtóbe, Qaraǵandy oblystarynyń keı jerlerinde aptap ystyq bolady.
