Qazaqstannyń soltústiginde qar jaýyp, boran soǵyp, jel kúsheıe túsýi múmkin - sınoptıkter málimeti
ASTANA. Jeltoqsannyń 12-si. QazAqparat - Sınoptıkterdiń málimetinshe, Qazaqstannyń soltústiginde qar jaýyp, boran soǵyp, jel kúsheıe túsedi dep kútilýde,
dep habarlaıdy QR TJM baspasóz qyzmeti.
Respýblıkanyń basqa aýmaqtary antıtsıklonnyń yqpalynda bolady.
Soltústik Qazaqstan, Pavlodar oblystarynda keı jerlerde boran bolyp, jel 15-20 m/s deıin kúsheıe túsedi.
Jambyl, Ońtústik Qazaqstan, Qostanaı, Aqmola, Qaraǵandy jáne Shyǵys Qazaqstan oblystarynyń keı jerlerinde tuman túsedi dep kútilýde.
Mańǵystaý oblysynda keı jerlerde jel 15-20 m/s bolady. Almaty oblysynyń keı jerlerinde tuman túsedi, Jalańashkól aýmaǵynda ońtústik-shyǵystan soqqan jel 18-23 m/s deıin kúsheıedi.
