Qazaqstannyń soltústiginde burshaq jaýýy múmkin - 23 mamyrǵa arnalǵan aýa-raıy boljamy
ASTANA. 22 mamyr. QazAqparat - Qazaqstan aýmaǵynyń basym bóliginde atmosferalyq frontaldyq bólikterdiń ótýine baılanysty 23 mamyrda aýa raıynyń turaqsyzdyǵy saqtalady. Naızaǵaı jarqyldap, jańbyr jaýady, keı jerlerde jel kúsheıedi, jekelegen aýdandarda shań kóterilip, daýyl turady, soltústikte burshaq jaýýy múmkin.
Bul týraly Kazgıdrometke silteme jasap TJM baspasóz qyzmeti habarlaıdy.
Respýblıkanyń tek ońtústik bóliginde aýa-raıy jaýyn-shashynsyz bolady, jekelegen aýdandarda tuman túsip, jel kúsheıedi dep kútilýde.
Aqmola, Pavlodar, Qaraǵandy, Shyǵys Qazaqstan, Aqtóbe oblystarynda, túnde Qostanaı oblysynda, kúndiz Jambyl oblysynyń keı jerlerinde jel 15-20 m/s-qa deıin kúsheıedi.
Soltústik Qazaqstan oblysynyń keı jerlerinde 15-20 m/s jel soǵady dep kútilýde, burshaq jaýýy múmkin. Batys Qazaqstan oblysynyń keı jerlerinde shań kóterilip, daýyl turady, kúndiz jel 15-20 m/s-qa deıin kúsheıedi dep kútilýde.
Mańǵystaý oblysynyń keı jerlerinde tuman túsýi yqtımal.
Respýblıkanyń batysynda, ońtústiginde keı jerlerde tótenshe joǵary órt qaýpi saqtalady.
Jaqyn kúnderi respýblıkanyń ońtústik jáne ońtústik-shyǵys ózenderinde sý kóleminiń aýytqýy kútilýde. Shyǵys Qazaqstan oblysy ózenderiniń basym bóliginde (Qara Ertis, Buqtyrma, Oba, Úlbi, Turǵysyn jáne t.b.) jaýyn-shashyn bolýyna baılanysty sý deńgeıiniń kóterilýi jalǵasady; jekelegen ózenderde sýdyń tasýy múmkin. Qazaqstannyń jazyqty aýmaǵynyń ózenderinde gıdrologııalyq tártipte aıtarlyqtaı ózgerister bolmaıdy dep kútilýde.
