Qazaqstannyń soltústiginde aıazǵa baılanysty mektepterde sabaq toqtatyldy
PETROPAVL. QazAqparat – Pavlodar oblysynyń birneshe aýdany men Soltústik Qazaqstan oblysynyń Petropavl qalasynda úskirik aıazǵa baılanysty mekteptegi sabaqtar toqtatyldy, dep habarlaıdy QazAqparat.
Petropavlda 12 aqpan kúni 0-9 synyp oqýshylary qashyqtan oqytylady. Óıtkeni qalada termometr baǵany 27 gradýstan tómendedi. Óńirdi birneshe kúnnen beri aıaz býyp tur.
Pavlodar oblysynda da aıazǵa baılanysty sabaqtar toqtatyldy. Naqtyraq aıtqanda Aqsý men Ertis qalalarynda jáne Aqqýly men Maı aýdanynda 0-4 synyp oqýshylaryna sabaq bolmaıdy. Sondaı-aq Jelezınsk men Sherbaqty aýdandarynda 1-9 synyp oqýshylaryna sabaq toqtatyldy. Tereńkól, Pavlodar jáne Ýspen aýdandarynyń 1-11 synyp oqýshylary sabaqqa barmaıdy. Oqýshylar sabaqty qashyqtan oqıdy.
