Qazaqstannyń soltústiginde aýa temperatýrasy normadan 3-5 gradýsqa túsip, ońtústikte 5-10 gradýsqa joǵary bolady
ASTANA. QazAqparat - Batys Sibir men Qazaqstannyń soltústik-batysynyń ústimen troposferada batys aýa aǵyndarynyń soltústik aǵyndarǵa aýysýy oryn aldy. Olardyń respýblıkanyń soltústik jáne batys oblystary arqyly ótýinen aýa temperatýrasy tómendep, keıbir jerlerde jańbyr jaýdy.
«Qazgıdromet» RMK-nyń habarlaýynsha, táýliktegi ortasha aýa temperatýrasy klımattyq normadan 3-5 gradýs tómen boldy. Demalys kúnderi bul aýdandarda osyndaı temperatýra saqtalyp, keı jerlerde jańbyr jaýady.
Ótken táýlikte elimizdiń ońtústigi men ońtústik-shyǵysynda kópjyldyq ortasha aýa temperatýrasynyń 5-10 gradýs joǵary bolǵan aptap ystyq baıqalǵan. Demalys kúnderi atmosferalyq aǵyndardyń ótýimen birge munda aptap ystyqtyń basylýy kútilip otyr, biraq jaýyn-shashynnyń bolýy ekitalaı, taýly aımaqtarda ǵana ótkinshi jańbyr jaýyp, naızaǵaı jarqyldaýy yqtımal.
