Qazaqstannyń soltústiginde 35 gradýsqa deıin ystyq bolady
ASTANA. QazAqparat - Sınoptıkter 3-5 shildege arnalǵan aýa raıy boljamyn jarııalady, dep habarlaıdy QazAqparat.
Qazgıdromettiń málimdeýinshe, Qazaqstannyń batysyndaǵy aptap ystyqqa sebep bolyp otyrǵan antıtsıklon aldaǵy úsh kúnde Reseıdiń eýropalyq bóliginen jyljyp kele jatqan tsıklonnyń yqpalymen shyǵysqa qaraı yǵysyp, álsireı bastaıdy.
«4-5 shilde kúnderi munda ýaqytyly jańbyr jaýyp, kún kúrkireýi múmkin, ekpindi jel soǵyp, aptap ystyq báseńdeı túsedi. Antıtsıklonnyń shyǵysqa qaraı jyljýyna baılanysty, respýblıkanyń soltústik, ortalyq jáne ońtústik oblystarynda ystyq ári qurǵaq aýa raıy boljanady. Atalǵan óńirlerde kúndizgi aýa temperatýrasy klımattyq normadan 4...7 gradýsqa joǵary, atap aıtqanda soltústikte 30...35°S, ońtústik pen ortalyqta 37...41°S aınalasynda bolady», - delingen habarlamada.
Sonymen qatar, Qazaqstannyń shyǵysynda jáne ońtústik-shyǵysyndaǵy jaýyn-shashyndy aýa raıy saqtalady, naızaǵaı jarqyldap, taýly jáne taý bókterindegi aýdandarda jańbyr jaýýy múmkin.
