Qazaqstannyń soltústigi men shyǵysynda jańbyr jaýyp, jel kúsheıedi
ASTANA. QazAqparat - Qazaqstannyń basym bóliginde kún ashyq bolady, soltústiginde, soltústik-batysynda, shyǵysynda jáne ortalyǵynda atmosferalyq aǵyndardyń ótýimen aýa raıynyń turaqsyz sıpaty saqtalady, keı jerlerde kún kúrkirep, jańbyr jaýyp, jel kúsheıedi, dep habarlady «Qazgıdromet» RMK.
Soltústikte, soltústik-batysta jáne ortalyqta túnde jáne tańerteń keı jerlerde tuman túsedi. Aqmola, Soltústik Qazaqstan, Qostanaı jáne Qaraǵandy oblystarynda keı jerlerde kún kúrkirep, 15-20 m/s-qa deıin jel kúsheıedi, túnde jáne tańerteń keı jerlerde tuman túsedi.
Shyǵys Qazaqstan oblysynda keı jerlerde kún kúrkirep, jeldiń kúshi 15-20 m/s-qa deıin jetedi. Pavlodar oblysynda keı jerlerde jel 15-20 m/s-qa deıin kúsheıedi.
Soltústik-batysta keı jerlerde kún 0-3 gradýsqa deıin sýytady. Respýblıkanyń ońtústiginde, batysynyń keı jerlerinde, soltústik-batysynda, shyǵysynda, ońtústik-shyǵysynda jáne ortalyǵynda óte joǵary órt qaýpi saqtalady.
