Qazaqstannyń soltústigi men shyǵysynda burqasyn turyp, kóktaıǵaq bolady dep kútilýde - 26 qarashadaǵy aýa raıy boljamy
ASTANA. 25 qarasha. QazAqparat - Qazaqstannyń soltústigi men shyǵysynda 26 qarashada burqasyn turyp, kóktaıǵaq bolady dep kútilýde, dep habarlaıdy QR TJM baspasóz qyzmeti.
Sınoptıkterdiń habarlaýynsha, Aqmola oblysynda keıbir jerlerde tuman turyp, kóktaıǵaq bolady, Pavlodar oblysynda burqasyn bolyp, sekýndyna 15-20 metrlik jel turady. Soltústik Qazaqstan óńirinde keıbir jerlerde burqasyn, kóktaıǵaq bolyp, jeldiń kúshi sekýndyna 17-22 metrge deıin jetedi.
Jambyl, Qyzylorda, Qaraǵandy oblystarynda, túnde Ońtústik Qazaqstan, Shyǵys Qazaqstan oblystarynyń keıbir jerlerinde tuman túsedi.
Aqtóbe óńirinde keı jerlerde tuman bolyp, kúndiz jel kúshi sekýndyna 15-20 meterge jetedi.
Qostanaı oblysynda tuman, jel ekpini sekýndyna 15-20 metrge jetýi múmkin, Batys Qazaqstan oblysynda keıbir jerlerde jel kúshi 17-22 metrge deıin jetedi.
Almaty oblysynda túnde keıbir jerlerde tuman, al Jalańashkól aýdanynda - sekýndyna 17-22 metrlik ońtústik-shyǵys jeli esedi.
