Qazaqstannyń soltústigi men shyǵysynda burqasyn bolady - 26 aqpanǵa arnalǵan aýa raıy boljamy
ASTANA. 25 aqpan. QazAqparat - Respýblıkanyń soltústik, shyǵys jáne ońtústik-shyǵysynda 26 aqpan kúni aýa raıynyń turaqsyz sıpaty boljamdalady, keıbir jerlerde jaýyn-shashyn bolyp, tuman túsedi, kóktaıǵaq, jel kúsheıedi.
Bul týraly Qazgıdrometke silteme jasaǵan TJM-niń baspasóz qyzmetinen habarlaıdy.
Almaty, Jambyl oblystarynyń keıbir jerlerinde tuman túsedi, kóktaıǵaq bolady.
Ońtústik Qazaqstan oblysynyń keıbir jerlerinde tuman túsýi, kóktaıǵaq bolýy, jeldiń 15-20 m/s deıin kúsheıýi yqtımal.
Aqmola, Pavlodar, Qaraǵandy, Shyǵys Qazaqstan oblystarynyń keıbir jerlerinde burqasyn kóterilip, jeldiń 15-20 m/s jyldamdyqpen soǵýy kútiledi.
Qostanaı oblysynyń keıbir jerlerinde burqasyn, jel, túnde jáne tańerteń keıbir jerlerde tuman túsedi.
Túnde Soltústik Qazaqstan oblysynyń keıbir jerlerinde tuman túsip, jeldiń 15-20 m/s-ke deıin kúsheıýi kútiledi.
Mańǵystaý oblysynyń keıbir jerlerinde tumandy bolady.
Jaqyn táýlikterde respýblıkanyń ońtústik, ońtústik-shyǵys jáne shyǵysyndaǵy jekelegen ózenderde sý deńgeıleriniń aýytqýy baıqalady. Qazaqstannyń qalǵan sý nysandarynda gıdrologııalyq rejımde aıtarlyqtaı ózgerister baıqalmaıdy.
