Qazaqstannyń soltústigi men shyǵysynda boran bolady - Qazgıdromet
ASTANA. 23 jeltoqsan. QazAqparat - Sınoptıkterdiń boljamy boıynsha, juma, 24 jeltoqsan kúni Qazaqstannyń soltústigi men shyǵysynda boran bolady, dep habarlaıdy Tótenshe jaǵdaılar mınıstrligi Qazgıdromet ortalyǵyna silteme jasap.
Pavlodar oblysynda boran kóterilip, jeldiń ekpini 15-20 metr/sekýndqa, keı jerlerde 25 metr/sekýndqa deıin jetýi yqtımal.
Qaraǵandy oblysynyń keı jerlerinde de boran, tuman, kóktaıǵaq kútilýde, jeldiń ekpini 17-22 metr/sekýndqa deıin kúsheıýi múmkin.
Al Aqmola, Soltústik Qazaqstan, Pavlodar, Shyǵys Qazaqstan oblystarynda - keı jerlerde boran bolady, jeldiń jyldamdyǵy - 23 metr/sekýndqa deıin kúsheıedi, delingen habarlamada.
Qyzylorda, Batys Qazaqstan, Aqtóbe oblystarynyń keı jerlerine tuman túsip, kóktaıǵaq bolsa, Jambyl, Ońtústik Qazaqstan oblystarynyń keı óńirlerinde tuman bolady.
Almatynyń oblysynyń Jalańashkól aýdanynda jeldiń jyldamdyǵy 18-23 metr/sekýndqa deıin kúsheıedi dep kútilýde.
