Qazaqstannyń soltústigi men shyǵys óńirlerin AES-tiń energııasymen qamtý tıimdirek - Maǵzum Myrzaǵalıev

ASTANA. QazAqparat - Qazaqstannyń soltústigi men shyǵys óńirlerin AES-tiń elektr energııasymen qamtý tıimdirek. Búgin Ortalyq kommýnıkatsııalar qyzmetinde tilshiler saýalyna jaýap qaıtarý kezinde Energetıka vıtse-mınıstri Maǵzum Myrzaǵalıev osylaı málim etti.

«Ózderińizge málim, qazir dúnıejúzi boıynsha Atom elektr stansasynan shyǵarylatyn energııanyń quny eń tıimdi bolyp tabylady. Ekinshiden, salynyp jatqan «Beıneý-Bozoı-Shymkent» jobasy boıynsha aldymen ońtústiktegi eldi mekenderge gazdy tartýdy qamtyp otyr. Budan artylǵan gazdy eksporttaýdy josparlap otyrmyz. Negizinen, Pavlodar oblysynda shyǵarylatyn kómirdiń de quny arzan bolýyna baılanysty, Ekibastuzda shyǵaratyn elektr energııasy óte tıimdi. Sondyqtan, soltústik pen shyǵys óńirlerge elektr qýatyn tartý úshin eń tıimdisi osy AES dep oılaımyz», - dep atap ótti Myrzaǵalıev.