Qazaqstannyń soltústigi men ortalyǵynda jaýyn-shashyn kútilýde, keıbir jerlerde ekpindi jel soǵyp, tuman túsedi
ASTANA. 2 qazan. QazAqparat - Belsendi tsıklon jáne onymen baılanysty atmosferalyq bólikter Qazaqstannyń soltústigi men ortalyǵynyń aýa raıyn anyqtaıdy, munda jaýyn-shashyn kútilip, keıbir jerlerde ekpindi jel soǵyp, tuman túsedi.
Bul týraly Qazgıdrometke silteme jasap, QR TJM baspasóz qyzmeti habarlaıdy.
Qazaqstannyń batys jáne shyǵys bóligi antıtsıklonnyń yqpalyna túsedi. Aqmola, Soltústik Qazaqstan, Pavlodar, Qostanaı, Shyǵys Qazaqstan, Qaraǵandy oblystarynda, túnde Batys Qazaqstan, Aqtóbe oblystarynda, kúndiz Ońtústik Qazaqstan, Qyzylorda oblystarynda keıbir jerlerde jel jyldamdyǵy 15-22 m/s-qa deıin kúsheıedi, Ońtústik Qazaqstan oblysynda shańdy daýyl bolýy yqtımal.
Mańǵystaý, Shyǵys Qazaqstan oblystarynda túnde jáne tańerteń keıbir jerlerde tuman túsedi. Jambyl oblysynda túnde keıbir jerlerde aýanyń temperatýrasy 0-3 gradýsqa deıin tómendeıdi. Qyzylorda, Ońtústik Qazaqstan, Jambyl, Almaty oblystarynyń keıbir jerlerinde tótenshe joǵary órt qaýiptiligi saqtalýda.
