Qazaqstannyń soltústigi men ortalyǵynda kún sýytady
ASTANA. QazAqparat - Sınoptıkter 2018 jyldyń 3-5 mamyrynda Qazaqstannyń soltústigi men ortalyǵynda aýa temperatýrasy tómendep, jańbyr jaýady dep boljaýda.
Reseıdiń eýropalyq bóligindegi ortalyq aýdandaryndaǵy tsıklon úlken jyldamdyqpen Qazaqstannyń soltústik bóligine aýysady. Sonyń saldarynan kún kúrkirep, jańbyr jaýady, jel turyp, burshaq jaýýy múmkin.
Barentsev teńizi aýdanyndaǵy antıtsıklonǵa baılanysty soltústik jáne ortalyq oblystarda kún sýytýy yqtımal.
Respýblıkanyń basqa aýmaqtarynda aýa raıy jaýyn-shashynsyz, jyly bolady.
