Qazaqstannyń soltústigi men ońtústiginde tsıklonnyń áserinen kún kúrkirep, jel turady - sınoptıkter
TANA. 20 qyrkúıek. QazAqparat - Búgin Qazaqstannyń soltústik jáne ońtústik aýdandarynyń aýmaǵy atmosferalyq aǵynnyń bólinýinen tsıklonnyń yqpalynda bolyp, jańbyrǵa, kún kúrkirep, jeldiń kúsheıýine ákep soǵady.
Respýblıkanyń basqa oblystarynda jyly jáne jaýyn-shashyn bolmaıdy, dep habarlady TJM Qazgıdrometke silteme jasap.
Qostanaı, Aqmola, Jambyl, Ońtústik Qazaqstan, Qyzylorda, kúndiz Soltústik Qazaqstan, Pavlodar, Qaraǵandy, Shyǵys Qazaqstan, Atyraý oblystarynda birqatar jerlerde jel ekpini sekýndyna 15-22 metrge deıin kúsheıedi.
Kúndiz Aqtóbe oblysynyń keıbir aýdandarynda sekýndyna 18 metrge deıin uıtqyp jel soǵady, túnde jáne tańerteń tuman túsedi.
Qazaqstannyń ońtústiginde, ońtústik-shyǵysynda jáne ortalyǵynda keı jerlerde joǵary órt qaýpi saqtalady. Taıaýdaǵy táýlikterde respýblıkanyń ońtústiginde, ońtústik-shyǵysynda jáne shyǵysynda taýly ózenderdiń kóbinde sý deńgeıiniń ózgerýi baıqalady.
