Qazaqstannyń sırek kezdesetin ańdary fotoqaqpanǵa túsip qaldy
NUR-SULTAN. QazAqparat – QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet elimizde sırek kezdesetin ańdardyń sýreti men vıdeosyn jarııalady, dep habarlaıdy QazAqparat tilshisi.
«Býaz urǵashy qar barysy! Almaty oblysynda Qazaqstannyń ańshylar men balyqshylar qoǵamynyń «Tabıǵat» ańshylyq sharýashylyǵynyń aýmaǵynda fotoqaqpanǵa urǵashy qar barysy túsip qaldy. Býaz sııaqty», - dep jazdy Sáken Dildahmet Feısbýktegi paraqshasynda.
Onyń atap ótýinshe, vıdeo 2019 jyldyń jaz aıynda túsirilgen. «Tabıǵat» ańshylyq sharýashylyǵynyń aýmaǵynda 70-ten astam fotoqaqpan bar. Fotoqaqpandardyń obektıvine qulan men qaban úıiri, birneshe quzǵyn men qorqaý qasqyr túsip qalǵan.
