Qazaqstannyń SІM ókilderi Stokgolmde zardap shekkender týraly aqparatty tekserip jatyr
ASTANA. QazAqparat - QR Syrtqy ister mınıstrligi baspasóz qyzmetiniń jetekshisi Ánýar Jaınaqov Stokgolmde bolǵan jaǵdaı týraly aıtyp berdi, dep habarlaıdy QazAqparat.
«QR Syrtqy ister mınıstrligi, Qazaqstannyń Shvetsııadaǵy ókildigi Stokgolmde kóliktiń adamdardy basyp ketý oqıǵasynyń mán-jaıyn anyqtaýda. Bizdiń dıplomattar Shvetsııa astanasynda zardap shekkender týraly aqparatty tekserýde»,-dep habarlad ol.
Jaınaqovtyń aıtýynsha, qazirgi tańda Shvetsııadaǵy QR elshiliginiń konsýldyq esebinde 120-ǵa jýyq Qazaqstan azamaty tur.
Buryn habarlanǵandaı, Shvetsııa astanasynyń ortalyǵynda júk kóligi jaıaý júrginshilerdi basyp ótken edi. Shvetsııa radıosy úsh adamnyń qaza tapqany týraly aqparat jarııalady.
Shvetsııa premer mınıstri Stefan Levenniń málimdeýinshe, barlyq derekter lańkestik áreketke meńzeıdi.
