Qazaqstannyń SІM Indonezııadaǵy sý tasqynyna baılanysty kóńil aıtty

NUR-SULTAN. QazAqparat - Indonezııadaǵy sý tasqynyna baılanysty Qazaqstannyń Syrtqy ister mınıstrligi málimdeme jasady, dep habarlaıdy QazAqparat vedomstvonyń resmı saıtyna silteme jasap.

«Qazaqstanda Jakarta qalasy men onyń mańyndaǵy aýdandarda bolǵan sý tasqynynyń saldarynan adamdardyń qazasyna alyp kelgen sýyt habardy úlken kúızelispen qabyldadyq. Qazaqstan baýyrlas Indonezııa halqynyń orny tolmas qaıǵysyna ortaqtasady. Qaıtys bolǵandardyń otbasylary men týysqandaryna qaıǵyryp kóńil aıtamyz jáne zardap shekkenderge tezirek saýyǵyp, tabıǵı apattyń saldaryn eńserýdi tileımiz» delingen habarlamada.

Eske sala keteıik, Indonezııa astanasy Jakarta men oǵan jaqyn aýdandarda sý tasqyny bolyp, 47 adam qaza tapty.