Qazaqstannyń ShYU-ǵa tóraǵalyq etýi jan-jaqty yntymaqtastyqqa úlken serpin beredi – Rýslan Mırzaev
«Qazaqstan Respýblıkasyn Shanhaı yntymaqtastyq uıymyna tóraǵalyq etýimen quttyqtaımyn. Sonymen birge, osy kásibı tóraǵalyq aıasynda bizdiń irgeli qujattarymyzda kózdelgen jan-jaqty yntymaqtastyqqa úlken serpin beredi dep senemin. Óıtkeni Qazaqstan uıymdastyrý, ıntegratsııalyq protsesterde, ekonomıkalyq yntymaqtastyqta, onyń ishinde qaýipsizdik máselelerinde joǵary praktıkalyq baǵyttylyǵymen erekshelenedi», - dedi Rýslan Mırzaev.
Spıker qazir qaýipsizdik máselesi ózekti ekenin atap ótti.
«Bizdiń óńirlerde jıi kezdesin qaýipter – ortaq. Atap aıtar bolsam, kontrabanda, esirtki, qarý-jaraq, ekstremızm men terrorızm, zańsyz kóshi-qon. Ókinishke qaraı, olardyń ózektiligi azaımaı otyr. Biraq quzyrly organdar basshylarynyń arasynda biz bul máselelerdi birlesip sheshýge, beıbitshilikti, tynyshtyqty jáne el halyqtarynyń jasampaz jumysyn qamtamasyz etýge mindettimiz degen túsinik bar», - dep qosty ol.
Rýslan Mırzaev Irannyń Shanhaı yntymaqtastyq uıymyna múshe elder qataryna kirýine qatysty óz oıyn bildirdi.
«Bizdi qaýipsizdik máselesi biriktiredi... Meniń oıymsha, Iran Islam Respýblıkasynyń uıymǵa kirýimen biz zańsyz mıgratsııanyń jolyn kesý, «zulymdyqtyń úsh kúshimen» (transulttyq uıymdasqan qylmys, esirtki bıznesi jáne kıberqylmys) kúresý arnalary arqyly yntymaqtastyq ornatatyn bolamyz. Óıtkeni bul aımaq arqyly esirtkiniń kóp mólsheri ótedi», - dep atap ótti Rýslan Mırzaev.
Buǵan deıin Memleket basshysy Shanhaı yntymaqtastyq uıymynyń jańa damý strategııasyn qabyldaý kerektigin aıtqan bolatyn.
Aıta keteıik, Almatyda Shanhaı yntymaqtastyq uıymyna múshe elderdiń shekaralyq qyzmeti men quzyretti organdary basshylarynyń 9-shy otyrysy ótip jatyr.