Qazaqstannyń shyǵysyndaǵy taýly ózenderde sý deńgeıi kóterilýi yqtımal - 20 maýsymǵa arnalǵan aýa raıy boljamy
ASTANA. 19 maýsym. QazAqparat - Atmosferalyq frontaldyq aǵymdardyń ótýimen 20 maýsym kúni Qazaqstannyń kóptegen aýmaǵynda aýa raıynyń turaqsyz sıpaty saqtalýda, batys jáne shyǵys bóliginde jaýyn-shashyn, keıbir jerlerde qatty nóser
jaýady, naızaǵaı jarqyldap, burshaq túsýi múmkin, dep habarlaıdy Qazgıdrometke silteme jasaǵan TJM-niń baspasóz qyzmetinen.
Qyzylorda, Mańǵystaý, Batys Qazaqstan, Pavlodar, kúndiz Qaraǵandy, Ońtústik Qazaqstan oblystarynda keıbir jerlerde jeldiń 15-20 m/s-qa deıin soǵýy, Qyzylorda oblysynda shańdy daýyl kútiledi.
Atyraý, Aqtóbe, Shyǵys Qazaqstan oblystarynda keıbir jerlerde jeldiń kúshi 15-20 m/s-qa deıin jetedi, burshaq túsýi múmkin, Aqtóbe oblysynda keıbir jerlerde qatty jańbyr jaýýy yqtımal.
Túnde Soltústik Qazaqstan oblysynda keıbir jerlerde tuman túsedi.
Qyzylorda oblysynda, Atyraý, Batys Qazaqstan, Aqtóbe, Qaraǵandy oblystarynyń keıbir jerlerinde tótenshe joǵary órt qaýiptiligi saqtalady. Respýblıkanyń ońtústigi men batysynda kún qatty ystyq bolady.
Jaqyn táýlikterde Qazaqstannyń ońtústik, ońtústik-shyǵysyndaǵy taýly ózenderde sý deńgeıleriniń aýytqýy baıqalady. Shyǵystyń taýly ózenderinde jańbyrǵa baılanysty sý deńgeıiniń kóterilýi jalǵasady.
