Qazaqstannyń shyǵysynda kún jylynsa, batysta qar aralas jańbyr kútiledi
ASTANA. QazAqparat - 5-7 sáýir kúnderi respýblıkanyń shyǵysynda kún jylynsa, batysynda kerisinshe, sýytatyny boljanady, dep habarlaıdy «Qazgıdromet» RMK.
«Qazaqstan aýmaǵyna jyljyp kelgen sýyq antıtsıklon birshama oblystaǵy aýa temperatýrasynyń tómendeýine sebep bolady. Aldaǵy kúnderde atmosferalyq qubylystar qaıta qalyptasyp, respýblıkaǵa Iran aýmaǵynan jyljyǵan jyly aýa massalary keledi. Solardyń yqpalynan respýblıkanyń shyǵys bóliginde aýa temperatýrasy kóterile túsedi», - delingen habarlamada.
Batys oblystarǵa Edil ózeni mańynan jyljyǵan aýa aǵyndary saldarynan jańbyr, qar aralas jańbyr jaýady. Aýa temperatýrasy klımattyq normadan 2-4 gradýs tómen bolady.
