Qazaqstannyń shyǵysynda burshaq jaýýy yqtımal - 28 tamyzǵa arnalǵan aýa raıy boljamy
ASTANA. 27 tamyz. QazAqparat - Qazaqstannyń kóptegen aýmaqtarynda atmosferalyq aǵymdardyń ótýine baılanysty 28 tamyzda aýa raıy turaqsyz bolady dep kútilýde,
jańbyr jaýyp, keı jerlerde naızaǵaı oınap, jel kúsheıedi, eldiń shyǵysynda burshaq jaýýy yqtımal.
Respýblıkanyń soltústiginde tańerteń jáne túnde jekelegen jerlerde tuman bolady. Tek respýblıkanyń batysynda kún raıy jaýyn-shashynsyz bolady, dep habarlady Qazgıdrometke silteme jasaı otyryp TJM-niń baspasóz qyzmeti.
Aqmola, Jambyl, Aqtóbe, Qaraǵandy, kúndiz Ońtústik Qazaqstan, Almaty oblystarynda keı jerlerde 15-22 m/s jyldamdyqpen jel soǵady dep kútilýde.
Shyǵys Qazaqstan oblysynda keı jerlerde 15-20 m/s jyldamdyqpen jel soǵady, burshaq túsýi yqtımal.
Túnde jáne tańerteń Qostanaı, Soltústik Qazaqstan oblystarynda jekelegen jerlerde tuman bolady.
Atyraý oblysynda kún qatty ysıdy dep kútilýde.
Respýblıkanyń ońtústik, keı jerlerde eldiń batysynda tótenshe joǵary órt qaýpi saqtalady.
Aldaǵy táýlikterde Batys Altaıdyń jekelegen ózenderinde jaýyn-shashynnyń jaýýyna baılanysty sý deńgeıiniń kóterilýi baıqalady. Respýblıkanyń ońtústik, ońtústik-shyǵys jáne shyǵysyndaǵy taýly ózenderinde sý deńgeıiniń aýytqýshylyǵy baıqalady.
