Qazaqstannyń shyǵysynda burshaq túsýi múmkin, naızaǵaı jarqyldap, jel kúsheıedi - 5 shildege arnalǵan aýa raıy boljamy
ASTANA. 4 shilde. QazAqparat - Qazaqstannyń batys jáne shyǵys bóligi atmosferalyq frontaldyq bólikterdiń yqpalynda bolyp, olarmen birge keıbir jerlerde jańbyr jaýady, respýblıkanyń shyǵysynda burshaq túsýi múmkin.
Keıbir jerlerde naızaǵaı jarqyldap, jel kúsheıedi, dep habarlaıdy QR TJM-nen.
Almaty, Ońtústik Qazaqstan, Mańǵystaý, Atyraý, Pavlodar, kúndiz Batys Qazaqstan, Aqtóbe oblysynda keıbir jerlerde jel 15-20 m/s jyldamdyqpen soǵady, Ońtústik Qazaqstan oblysynda shańdy daýyl bolýy yqtımal. Soltústik Qazaqstan, Qostanaı oblystarynda túnde jáne tańerteń keıbir jerlerde tuman túsedi. Shyǵys Qazaqstan oblysynda keıbir jerlerde jel 15-20 m/s jyldamdyqpen soǵady, kúndiz burshaq túsýi múmkin.
Atyraý, Aqtóbe, Qyzylorda, Ońtústik Qazaqstan, Almaty, Jambyl, Qaraǵandy oblystarynda keıbir jerlerde tótenshe joǵary órt qaýiptiligi saqtalady.
Atyraý, Aqtóbe, Qostanaı oblystarynda, Ońtústik Qazaqstan, Soltústik Qazaqstan, Qaraǵandy oblystarynyń keıbir jerlerinde kún qatty ysıdy.
Jaqyn táýlikterde Shyǵys Qazaqstandaǵy ózenderde, sonyń ishinde Oba ózeninde oryn alǵan jańbyrǵa baılanysty sý deńgeıi kóteriledi. Respýblıkanyń ońtústigi men ońtústik-shyǵysynda sý deńgeıleriniń aýytqýlary baıqalady.
