Qazaqstannyń shyǵysynda atmosferalyq aǵyndardyń ótýine baılanysty naızaǵaı jarqyldap, jańbyr jaýady, ońtústikte, ońtústik-shyǵysta jáne batysta shań kóterilip, daýyl turady
ASTANA. 15 tamyz. QazAqparat - Qazaqstan aýmaǵynyń basym bóliginde erteń, 16 tamyz kúni, aýa raıy jaýyn-shashynsyz bolady dep kútilýde, respýblıkanyń soltústigi, shyǵysy jáne ortalyǵynda keı jerlerde tuman túsedi, dep habarlaıdy Qazgıdromet.
Qazaqstannyń shyǵysynda atmosferalyq aǵyndardyń ótýine baılanysty naızaǵaı jarqyldap, jańbyr jaýady, jel kúsheıedi. Ońtústikte, ońtústik-shyǵysta jáne batysta shań kóterilip, daýyl turady.
Jambyl oblysynda keı jerlerde jel 15-20 m/s-qa kúsheıedi, jel ekpini 23-28 m/s bolady. Ońtústik Qazaqstan oblysynda shań kóterilip, daýyl turady dep kútilýde, jel 15-20 m/s-qa kúsheıedi, kúndiz jel ekpini 25 m/s-qa deıin bolady. Kúndiz Qyzylorda, Atyraý oblystarynda keı jerlerde jel 15-20 m/s-qa kúsheıedi, shań kóterilip, daýyl turady. Túnde jáne kúndiz Soltústik Qazaqstan, Qaraǵandy, Shyǵys Qazaqstan oblystarynda keı jerlerde tuman túsedi dep kútilýde, kúndiz Shyǵys Qazaqstan oblysynda jel 15-20 m/s-qa kúsheıedi.
Atyraý, Batys Qazaqstan, Mańǵystaý oblystarynyń keı jerlerinde qatty ystyq bolady dep kútilýde.
Respýblıkanyń ońtústiginde, ortalyǵynyń keı jerlerinde jáne ońtústik-shyǵysynda tótenshe joǵary órt qaýpi saqtalady.
Jaqyn táýlikterde jaýyn jaýýyna baılanysty Batys Altaı ózenderinde (Qara Ertis, Oba jáne t.b.) ári qaraı sý deńgeıiniń kóterilýi kútilýde, jekelegen ózenderde sý jaıylýy jáne sý deńgeıiniń kóterilýi múmkin. Respýblıkanyń shyǵysy men ońtústik-shyǵysynyń taýly ózenderinde sý deńgeıiniń turaqsyzdyǵy baıqalady. Qostanaı oblysynyń Úı ózeninde ári qaraı sý deńgeıiniń kóterilýi múmkin.
