Qazaqstannyń shyǵysynda 1 mamyrda keı jerlerde jańbyr jaýýy, jel kúsheıýi, naızaǵaı oınaýy kútiledi
ASTANA. 30 sáýir. QazAqparat - Respýblıkanyń shyǵys jaǵy tsıklonnyń jáne atmosferalyq aǵyndardyń yqpalynda bolyp, keı jerlerde jańbyr jaýady, jel kúsheıedi, naızaǵaı oınaıdy.
Qalǵan aýmaqta antıtsıklonnyń áserimen kún ashyq bolyp, aýanyń temperatýrasy azdap tómendeýi kútiledi.
Bul týraly QR TJM baspasóz qyzmeti Qazgıdrometke silteme jasap habarlady.
Aqmola, Mańǵystaý oblystarynda keı jerlerde tuman túsedi.
Qostanaı oblysynda tańerteń jáne kúndiz, Soltústik Qazaqstanda túnde jáne tańerteń keı jerlerde tuman túsedi, jeldiń ekpini keı jerlerde 15-20 m/s-ke deıin jetedi.
Qaraǵandy oblysynda túnde keı jerlerde jeldiń ekpini 15-20 m/s-ke deıin kúsheıedi. Shyǵys Qazaqstan oblysynda keı jerlerde naızaǵaı oınap, jeldiń 15-20 m/s-ke deıin kúsheıýi kútiledi.
