Qazaqstannyń shyǵysy men ortalyǵy tsıklonnyń yqpalynda bolady - 5 mamyrǵa arnalǵan aýa raıy boljamy
ASTANA. 4 mamyr. QazAqparat - Qazaqstan Respýblıkasy qorshaǵan ortany qorǵaý mınıstrliginiń «Qazgıdromet» RMM-niń málimetine sáıkes, 5 mamyrda respýblıkanyń shyǵys aýdandary men Qazaqstannyń ortalyǵy tsıklonnyń yqpalynda bolady.
Atmosferalyq aǵymdardyń ótýine baılanysty aýa raıy turaqsyz bolady, jańbyr jaýyp, jel kúsheıedi.
Respýblıkanyń batysynda aýa raıy jaýyn-shashynsyz bolady. Aqmola, Soltústik Qazaqstan, Pavlodar, Qaraǵandy, Ońtústik Qazaqstan oblystarynda jáne kúndiz Jambyl, Qostanaı oblystarynyń jekelegen jerlerinde 15-20 m/s jyldamdyqpen jel soǵady.
Shyǵys Qazaqstan oblysynyń keı jerlerinde qumdy daýylmen 15-20 m/s jyldamdyqpen jel soǵady.
Mańǵystaý, Atyraý oblystarynyń jekelegen jerlerinde tuman túsedi.
Aldaǵy 3 táýlikte respýblıkanyń ońtústik, ońtústik-shyǵys jáne shyǵys taýly ózenderinde sý deńgeıiniń aýytqýy baıqalady.
