Qazaqstannyń shyǵysy men ońtústiginde naızaǵaı jarqyldap, jel kúsheıedi dep kútilýde - 25 mamyrǵa arnalǵan aýa-raıy boljamy
ASTANA. 24 mamyr. QazAqparat - Respýblıkanyń shyǵys jáne ońtústik bóligi 25 mamyrda atmosferalyq aǵyndar yqpalynda qalady, keı jerlerde jańbyr jaýady, jel kúsheıedi, naızaǵaı jarqyldaıdy, dep habarlaıdy TJM baspasóz qyzmeti Kazgıdrometke silteme jasap.
Qalǵan aýmaqta antıtsıklon yqpalymen jaýyn-shashynsyz aýa-raıy kútilýde. Respýblıkanyń soltústigi men soltústik-batysynda keı jerlerde tuman túsedi.
Almaty, Ońtústik Qazaqstan, Qyzylorda, Shyǵys Qazaqstan oblystarynda, kúndiz Jambyl, Batys Qazaqstan oblystarynda keı jerlerde jel 15-20 m/s-qa deıin kúsheıedi.
Aqmola, Soltústik Qazaqstan, Mańǵystaý oblystarynda, túnde Qostanaı oblysynda keı jerlerde tuman túsedi.
Atyraý oblysynda keı jerlerde jel kúsheıedi, kúndiz shań kóterilip, daýyl soǵady.
Respýblıkanyń batysy men ońtústiginde tótenshe joǵary órt qaýpi saqtalady.
Aldaǵy úsh táýlikte respýblıkanyń ońtústigi men ońtústik-shyǵysyndaǵy ózenderde sý kóleminiń turaqsyzdanýy kútilýde. Shyǵys Qazaqstan oblysynyń jekelegen ózenderinde (Qara Ertis, Buqtyrma, Oba, Úlbi, Turǵysyn jáne t.b.) jaýyn-shashynǵa baılanysty sý deńgeıiniń kóterilýi jalǵasady, keı ózenderde sý tasýy jáne sý deńgeıiniń kóterilýi múmkin. Qazaqstannyń jazyqty aýmaǵynyń ózenderinde gıdrologııalyq tártipte aıtarlyqtar ózgerister bolmaıdy.
